Laut kar ana bhi bhool jao

Laut kar ana bhi bhool jao, itne duur mat jana
Chaah kar bhi na palat pao, itne duur mat jana

Ye faaslay har rabta bhi phir torr dain
Mere bad tum mujhe bulao, itne duur mat jana

Tumhari har baat pe hai dil ko aitebar
Zaroorat pare ke yaqeen dilao,itne duur mat jana

Waqt ke saath har umeed hi mar jaye
Ye bhi ke tum wapis aao,itne duur mat jana

Kuch na baaqi rahe phir humaray darmiyan
Har yaad ko tum bhulao,itne duur mat jana